Депутат Болат Назарбаевтың қызы басқарған компанияны тексеруді сұрады

13 желтоқсан 2023, 11:21

1 517

Мәжіліс депутаты Айдос Сарым Бас прокурор Берік Асыловтан осы жоба бойынша «TOLAGAI-2050» ЖШС-қа қатысты тергеп-тексеру жүргізуді, деп хабарлайды "Opennews.kz" ақпарат агенттігі.

Депутаттың мәліметінше, Қазақстан Республикасының аумақтық қауіпсіздігін қамтамасыз ету мақсатында 50 шекара заставасын салу жоспарланған болатын деп жазды BAQ.KZ тілшісі. 2022 жылы 20 шекара заставасын салу бойынша жұмыстарды сатып алуға тендер жарияланды және 53 млрд теңге сомасына мердігерлік ұйымдар «Kapital construction» ЖШС-мен және «TOLAGAI-2050» ЖШС-мен жалпы шарттар жасалды.

Жасалған шартқа сәйкес «TOLAGAI-2050» ЖШС 40 млрд теңге сомасындағы 15 шекара заставасын салуға тиіс еді. Жұмысты орындау мерзімі 2023 жылғы 31 желтоқсанға дейін. Алайда жоғарыда көрсетілген шарт бойынша мерзім өрескел бұзылды. Бұдан басқа, жүргізілетін жұмыстардың сапасына шағымдар түсіп жатыр. Қолда бар ақпарат бойынша биыл 1 қазанда «TOLAGAI-2050» ЖШС тек 13 млрд теңгені игерді, бұл шарттың жалпы сомасының 35%-ы игерілді деген сөз. Осы объектілер бойынша «TOLAGAI-2050» ЖШС шартты орындау мерзімін тағы 9 айға ұзартуды сұрайды, бұл жобаның айтарлықтай қымбаттауына алып келуі мүмкін, - дейді Сарым.

Депутат Бас прокурор Берік Асыловтан осы жоба бойынша «TOLAGAI-2050» ЖШС-қа қатысты тергеп-тексеру жүргізуді және Қазақстан Республикасының қолданыстағы заңнамасына сәйкес қажетті шараларды қабылдауды сұрады.