Жетім балаларға 70 мың теңге әлеуметтік көмек беріледі

19 наурыз 2024, 17:07

1 642

Шымкентте наурыз мерекесінің қарсаңында жетім балаларға, мүгедектігі бар балаларға әлеуметтік көмек беріледі, - деп хабарлайды "Opennews.kz" ақпарат агенттігі.

Бұл туралы қалалық әкімдіктің баспасөз қызметі мәлім етті.

"Наурыз мерекесіне орай, 18 жасқа дейінгі жетім балалар мен ата-анасының қамқорлығынсыз қалған балаларға 20 АЕК, ал қаза тапқан әскери қызметшілердің отбасылары мен 18 жасқа дейінгі мүгедектігі бар балаларға 5 АЕК мөлшерінде жыл сайынғы бір реттік әлеуметтік көмек беріліп жатыр", - делінген хабарламада.

Ведомство мәліметінше, аталмыш әлеуметтік қаржылай төлем Шымкент қаласы мәслихатының 2019 жылғы 29 наурыздағы шешімі негізінде Шымкент қалалық Жұмыспен қамту және әлеуметтік қорғау басқармасы тарапынан бөлініп жатыр.