Қызғалдақ жұлған студент қыз 11 миллион теңге айыппұл арқалады

22 жасар студент қыз өзі жұлған қызғалдақпен суретке түсіп, оны желіге жүктеген, - деп хабарлайды "Opennews.kz" ақпарат агенттігі.

Полиция қызметкерлері "грейг" қызғалдақтарын жұлған ордабасылық тұрғынды әлеуметтік желілер арқылы анықтады. Ол Ұялыжар ауылдық округіндегі алқапта қызыл кітапқа енген гүлдерді жұлып, бейнежазба түсіріп, желідегі парақшасына жариялаған.

Аталған жағдай сирек кездесетін және жойылып кету қаупі төнген өсімдік түрлерімен заңсыз айналысу фактісі бойынша полиция бөлімінде тіркелді.