ҚЫЗЫЛОРДАДА КӘРІЗ СУЫНА ТҰНШЫҚҚАН ТҰРҒЫНДАР НЕГЕ АЛАҢДАЙДЫ?

24 сәуір 2024, 15:03

4 003

Қызылорда қаласындағы Титов қыстағында көпқабатты тұрғын үйдің тұрғындары мемлекет тарапынан берілген үйді кәріз құдығының суы басуда, - деп хабарлайды «Opennews.kz» ақпарат агенттігі.

Айдың күннің аманында жаңа үйлердің жертөлелерін су басуда. 2016 жылы берілген үйдің бүгінгісі көңіл көнштіпей тұр. Кәріз құдығының суы тасып, өжіреге қарай беттеді. Апатты үйден арылып, жаңа үйге қоныстанған тұрғындар қайтадан «апатты үйге» айнала ма деп алаңдайды.

«Қашаубаева «17 Б» тұрғындары 2016 жылы берілген бүгін үй апатты жағдайда. Су құбырлары жарылып, өжіреге су кетіп, үй жарылып, квартира ішіндегі бөлмелердің қабырғалары құлап, тұрғындар өздері жөндеу жұмыстарын жасаған болатын өткен жылы. Енді шіріген су құбырлары жарылып апат осы жылы да қайталануда, Қызылорда әкімшілігі еш әрекетсіз отыр деп тұрғындар шағым айтуда» - деп жазды Гүлназ Серікбаева.

Тұрғындардың айтуынша төбедегі шатырлар ұшып, су ағарлар қирап үйлерге су кетіп жатыр. Жыл сайын қайталана беретін мәселемен күресуге қауһары қалмаған тұрғындар әкімдіктен араша сұрайды.

«Жыл сайын бір мәселемен күресіп келеміз. Берілгеніне 8 жыл толған үйге ұқсамайды. Шатырлар ұшып жатыр, үй жекешелендірілмеген. Ол аздық еткендей кәріз суы сасып, сыртқа шығып ағуы бір бөлек, енді үй астындағы жертөлелерге қарай бет алған. Қоқысқа толы қаланың бір көрінісін осы қыстақтан аңғаруға болады» - дейді Жадыра есімді тұрғын.

«Тұрғындар тарапынан арыз-шағым түспеген. Тиісті сала мамандарына жүктелді. Зерделеу жұмыстары жүргізіледі»,- деді Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілдері.

«Су толды, оны өздерің тартып алыңдар дейді. Мен су тартатындарды шақырдым. Ішінде бірдеңесі жарылған. Өздерің ауыстырып, істеп алыңдар деп отыр. Біз құдықтан кеткен суды қалай тазалаймыз? Былтыр екі үйді жөндеп берген. Басқасына қол тигізбеді»,- дейді қапаланған Әлия апай.

Ал өткен жылы тіпті кәріз суынан ақау орын алып тіпті су басып қалған, жіпке тізгендей болмайық. Әкімдік меншігіндегі үй ғой келіп, бақыласа болмай ма? Деген тұрғындар тиісті сала басшылары ат басын бұрып, жағдаймен танысса екен дейді. Сонымен қатар, қала аумағында Мемлекет басшысының тапсырған «Таза Қазақстан» акциясы көз көретін жерде ғана өткізіледі ме? Титов қыстағында ауада қалқыған пакеттерді аңғаруға болады.

Үйдің жертөлесіндегі жағдай, тіпті сорақы. Қолқаны алатын иіс пен дымқыл ауадан тұншығуға болады. Жертөленің іші су басқаннан кейінгі ылғалдылық танауыңды тесіп жіберердей. Қараусыз қалған бұл үй алдағы күндері апатты жағдайға түспесе игі.