Бишімбаев пен Байжанов сотта соңғы сөзін 6 мамыр күні айтады

Азаматтық некедегі әйелін азаптап өлтірді деген айып тағылған экс-министр Қуандық Бишімбаев пен қылмысты жасырып қалды деген айып тағылған Бақытжан Байжанов 6 мамырда сотта соңғы сөзін айтады,- деп хабарлайды "Opennews.kz" ақпарат агенттігі.

Айта кетейік, бүгін сот жарыссөзінде айыпталушылар сөз сөйлеп, одан кейін тараптардың ескертулері тыңдалды. Содан кейін сот алқабилердің қатысуынсыз жарыссөздің екінші бөлігіне көшті.

Жарыссөздің екінші бөлігінде тараптар сотталушылардың әрекеттерінің саралануы, жаза тағайындау және азаматтық талап қою бойынша өз ұстанымдарын ортаға салды.