Әкім 3 жасар қызды зорлады деген күдікке ілінді
1 822
Ақтөбе облысының ауылының тұрғыны 3 жасар қызын туысқан ағасы зорлағанын айтып шағымданған. “Немолчи” қорының басшысы Дина Таңсәрі әлеуметтік желіде осы жағдай туралы айтты, - деп хабарлайды "Opennews.kz" ақпарат агенттігі.
Анасының айтуынша, 3 жасар қызы туыстарының үйіне барған. Үйге оралған соң үлкен ағасы оған қысым жасағанын айтқан. Анасы бірден баланы ауруханаға апарған. Дәрігер зақым келгенін мәлімдеген екен.
“Дәрігер артқы жағында 2 см сызат барын растады. Әйел дереу полицияға арыз берді, бірақ күдікті жазадан сытылып кете ме деп қорқады. Айтуынша, ол бұған дейін полиция қызметкері, тіпті әкім болған. Оны ауылдағылардың бәрі таниды, таныстарының көмегімен істі жылы жаба ма деп алаңдаулы”, – деді Таңсәрі.
Кей деректерге сәйкес күдікті ішкі істер органдарында қызмет еткеннен кейін Қобды ауданының ауылдық округінің әкімі болып жұмыс істеп үлгерген.
Сөзінше, кішкентай қыз психологиялық соққы алып, үркіп қалған.
“Жыныстық сипаттағы зорлық-зомбылық фактісі бойынша сотқа дейінгі тергеу басталды. Күдікті анықталып, полиция бөліміне жеткізілді. Барлық қажетті сараптамалар тағайындалды, оның қорытындысы бойынша заңды шешім қабылданады”, – деп мәлімдеді Ақтөбе облысы полиция департаментінің баспасөз қызметі.
