Бір бөлмелі пәтерге 109 адамды тіркеген
1 505
Алматы прокуратурасы заңсыз миграция фактісін анықтады. Ведомствоның баспасөз қызметі хабарлағандай, бір бөлмелі пәтерге 109 адамды тіркеген, бірақ шын мәнінде олар онда тұрмаған. Бұл қызмет үшін ақша алынған, - деп хабарлайды "Opennews.kz" ақпарат агенттігі.
Пәтердің иесіне қатысты ҚР Қылмыстық кодексінің 394-бабы (заңсыз көші-қонды ұйымдастыру) бойынша қылмыстық іс тіркеліп, сот үкімімен оған бір жыл мерзімге бас бостандығын шектеу жазасы тағайындалған.
"Алматы қаласының прокуратурасы азаматтарды қылмыстық және әкімшілік жауаптылыққа жол бермеу мақсатында көші-қон заңнамасының талаптарын қатаң сақтауға шақырады", - делінген хабарламада.
Сот қылмыскерді бір жылға бостандығынан шектеу жазасына кесті.
