Бір ай бұрын жоғалған ағайынды жасөспірімдердің бірінің денесі табылды

Семейде бір ай бұрын бір үйдің 16 және 18 жасар екі жасөспірім баласы із-түзсіз жоғалып кеткен. Жоғалғандарды іздеуге Семей полиция гарнизоны көтерілді. Біреуінің денесі табылды, - деп хабарлайды "Opennews.kz" ақпарат агенттігі.

Іздеу шаралары Ұлттық ұлан, полиция, құтқарушылар, еріктілер, сондай-ақ белсенді азаматтарды тарта отырып жүріп жатыр.

15 мамырда 18 жасар қыздың денесі "Құрылысшы" профилакториясының маңында судан табылды.

Аталған факті бойынша сотқа дейінгі тергеу жүріп, бірқатар сараптама тағайындалды.

Кәмелетке толмаған екінші баланы іздеу жалғасып жатыр.

Абай облысы ПД бастығы Бектөре Сұлтан марқұмның туыстары мен жақындарына көңіл айтты.