Мемлекеттік бюджеттен миллиардтаған қаржыны жымқырған кәсіпкер сотталды
1 569
ҚР ҚМА мәлімдемесіне сәйкес, бизнесмен Жексенғалиев 4,3 млрд теңге бюджет ақшасын қылмыстық жолмен тапқан, - деп хабарлайды "Opennews.kz" ақпарат агенттігі.
Ұрланған қаражатты заңды айналымға тартқан Әнуарбек Жексенғалиевтің мүлкі тәркіленіп, 6 жыл 8 айға бас бостандығынан айырылды.
Сотталушы қылмыстық жолмен тапқан ақшасын заңдастыру, жылыстатумен 2019-2022 жылдар аралығындай айналысқан. Жексенғалиевтің 4,7 млрд теңгелік мүлкі тәркіленді.
«Жексенғалиев мемлекеттік бюджеттің 1,1 млрд теңгесін жымқырып, оны өзінің жалған кәсіпорындарының шотына аударған. Содан кейін шоттағы теңгені шетел валютасына ауыстыру операциясын жүргізген. Сондай-ақ ол ұрланған қаражатты жылыстату үшін жылжымайтын мүлікпен жалған мәмілелер жасаған, яғни жер телімдерін сатып алып, құрылыс компанияларына өткізіп, пайдалануға берілген үйлерден сыйақы ретінде пәтерлерді алып отырған», - делінген хабарламада.
Еске салсақ, кәсіпкер Кәсіпкер Әнуарбек Жексенғалиев өзінің сыбайласы Медетбековпен бірге 2022 жылы маусым айында қашқында жүрген жерінен ұсталды.
