RUB (0.00) 7.64 KZT
USD (-0.10) 462.65 KZT
EUR (+2.40) 477.55 KZT
Қоғам
72

Алаяқтар тұрғынға 1 млн теңге несие алғызған

Қарағанды қаласында полицейлерге жүгінген 57 жастағы тұрғын өзін алаяқтар алдап кеткенін айтқан, - деп хабарлайды Opennews.kz ақпарат агенттігі

Облыстық полиция департаментінің мәліметінше, жәбірленуші белгісіз алаяқтың 1 млн 350 мың теңге мөлшерінде алдап ақша алғанын айтқан.

«Алаяқтың жәбірленушіге өзін белгілі бір банктің қауіпсіздік қызметкері ретінде таныстырып хабарласқаны анықталды. Жәбірленушінің атынан белгісіз біреу несие рәсімдемек болғанын айтқан. Алаяқтарды анықтау үшін өз кезегінде кейіннен қайтарылатын несиені алу қажеттігін айтқан. Кейін банк менеджері ретінде әйел ақшаны қай қаржы мекемесінен алып, қай есепшотқа аудару керек екенін түсіндіреді.
Алаяқтардың арбауына түскен жәбірленуші 1 млн 350 мың теңге несие алып, өзін банк қызметкері ретінде таныстырған қызметкердің кеңесімен ақшаны белгісіз біреуге жіберген»,
- делінген хабарламада.


Аталған факті бойынша ҚР ҚК 190-бабы (Алаяқтық) бойынша сотқа дейінгі тергеу басталды. Жедел-іздестіру шаралары барысында криминалдық полиция қызметкерлері күдіктілерді анықтап, ұстады.

Олар 18 жастағы қыз бен оның 21 жастағы досы болған. Олар өз кінәсін мойындады. Полиция олардың басқа да осыған ұқсас қылмыстарға қатысы барын анықтады.