Инкассатор банктен 10 миллион теңге ұрлап, артынша өзін атып өлтірген
1 583
Ақтаудағы банктердің бірінің ғимаратында инкассатор 10 миллион теңге ұрлап, артынша өзіне қол салған, - деп хабарлайды "Opennews.kz" ақпарат агенттігі Lada.kz сайтына сілтеме жасап.
Оқиға 14-шағынауданда Halykbank ғимаратында болған. 10 миллионды ұрлағаннан кейін ер адам ғимараттың жертөлесіне қамалып, қызметтік қарумен басынан оқ атқан.
Жедел-тергеу тобы, дәрігерлер мен СОБР қызметкерлері жертөлеге кіретін есікті қоршап алған. Марқұм 43 жаста еді. Қалалық полиция департаментінің баспасөз қызметі оқиғаны растады.
"Қазіргі уақытта "Ұрлық және өзін-өзі өлтіруге итермелеу" дерегі бойынша Ақтау қалалық ІІБ қылмыстық іс қозғады", – деп хабарлады департаменттен.
