«Одан да шатырды жөндеңдер!». Қызылордада қызыл кірпіштен соғылған үйлерді ақ түске бояған
4 233
Қызылордалықтар қызыл кірпіштен соғылған үйлердің ақ түске боялуына наразылық білдіріп жатыр, - деп хабарлайды "Opennews.kz" ақпарат агенттігі.
Instagram желісіндегі kritika.kyzylorda парақшасында оқырман қызыл кірпішті ақтап жатқанын айтып, шағымданған.
«Бояу үшін тендер жеңіп алған шығар», «Кірпішті неге бояп жатыр?», «Егер қала бюджетінде ақша болса, онда үйлердің шатырын жөндеңдер! Жаңбыр кезінде көптеген үй жүзеді», «Кейде шенеуніктердің қалай ақша жасап отырғанына қарап, таңғаласың» деп жазып жатыр желі қолданушылары.
Қызылорда әкімдігі қалада ғимараттар мен құрылыстарды сәулеттік-көркемдік безендіру жүйесінде бірегей қалалық келбет пен мәдени бірегейлікті қалыптастыруға бағытталған жұмыстар жүргізіліп жатқанын атап өтті.
Қала бойынша облыс орталығына бірыңғай сәулеттік көрініс беру бойынша тиісті жұмыстар жүргізіліп жатыр. Сонымен қатар, ғимараттардың сыртқы қасбеті қандай болуы керегіне, олардың түсі, құрылыс жұмыстарына қолданылатын материалдар, соның ішінде әр түрлі формадағы ғимараттардың қасбетіне жарнама орналастыру (олар бір биіктікте, бір деңгейде болуы керек) және т. б. постта көрсетілген үйді жөндеу демеушілердің есебінен жүзеге асырылады. Барлық сын-ескертпелер мердігерге жеткізіліп, бақылауға алынады, - деп жазды әкімдік қызметкерлері.
Сонымен қатар, әкімдік былтыр Қызылордада демеушілер есебінен 30-дан астам ескі көпқабатты тұрғын үйлердің қасбеті қайта жаңартылғанын жеткізді.
:
