Жасөспірімдер қыз баланы қараусыз ғимаратқа апарып, ұрып-соққан
14 жастағы қызды мектеп оқушылары 1 жарым сағат бойы ұрып-соғып, қорлаған, - деп хабарлайды "Opennews.kz" ақпарат агенттігі.
«НеМолчи» қоғамдық қорының жетекшісі Дина Таңсәріге қызы бұзақылардан таяқ жеген ана хат жазған.
Айтуынша, 25 тамызда 6 қыз жәбірленушіні қараусыз қалған камерасыз ғимаратқа алып барып, аяусыз ұрған. Соден кейін видеоға түсіріп, кешірім сұратып, мазақ қылған. Камера орнатылған аумақтарда құрылғыны бешпенттерімен көлегейлеп қойған. Кейін қыздың видеосын көрші балаларға таратқан.
Қыздың анасы мен заңды қорғаушысының мәлімдеуінше, полицияға арыз жазылғанымен, тергеу жүріп жатқан жоқ. Іс тоқтап қалған. Қыз баланы бес күн өткеннен кейін ғана сараптамадан өткізге.
Дина Таңсәрі Бас прокуратура мен Бала құқықтары жөніндегі уәкіл Динара Зәкиеваны осы іске назар аударуға шақырды.
