Шенеунік 4 мыңнан 25 мың теңгеге дейін пара алғаны үшін жазаланды

25 қыркүйек 2024, 12:45

1 280

Семейдің ауыл шаруашылығы бөлімі басшысының міндетін атқарушы бірнеше рет пара алғаны үшін кінәлі деп танылды, - деп хабарлайды "Opennews.kz" ақпарат агенттігі.

Абай облыстық сотының мәліметінше, Семей қаласының №2 соты айыпталушыларға қатысты қылмыстық істі қарады.

«Біреуі (ҚК 366 – бабының 3-бөлігінің 4-тармағы) және бесеуі – пара беру (ҚК 367-бабының 1-бөлігі) бойынша айыпталды. Семей қаласының ауыл шаруашылығы бөлімі басшысының міндет атқарушы құжаттарды жеделдетіп ресімдегені, жүргізуші куәлігін ауыстыру бойынша мемлекеттік қызмет көрсетуге жәрдемдескені, жоғары сұраныстың мемлекеттік тіркеу нөмірін алуға жәрдемдескені үшін бес азаматтан пара алды (4 мың теңгеден 25 мың теңгеге дейін)» делінген хабарламада.

Сот ауыл шаруашылығы бөлімінің басшының ҚК 366-бабының 3-бөлігі 4-тармағы бойынша кінәлі деп танылып, оған жаза тағайындалды – 2,9 млн теңге айыппұл (пара сомасынан 60 есе), мемлекеттік қызметте қызмет атқару құқығынан өмір бойына айырылды.