Бір отбасының 4 адамы газдан уланып көз жұмды

Жамбыл облысында екі отбасының 6 адамы газдан уланып қаза болды, - деп хабарлайды "Opennews.kz" ақпарат агенттігі.

Жамбыл облыстық ТЖ департаменті баспасөз қызметінің хабарлауынша, 17 қазан күні сағат 07:40 шамасында Жамбыл ауданы, Қызылшарық ауылында жеке тұрғын үйде табиғи газбен жанатын пештің сөніп қалуы салдарынан 3 адам газдан уланып қалған. 1963 жылы туған үй иесі мен оның 1988 жылы туған ұлы оқиға орнында көз жұмды, ал 2007 жылы туған немересі ауыр халде ауруханаға жатқызылды.

 Сондай-ақ 16 қазан күні Рысқұлов ауданы, Жарылсу ауылында жеке тұрғын үйде газ плитасынан газ тарап, үй иелері 1967 және 1975 жылдары ерлі-зайыпты және олардың 2011 және 2019 жылы туған балалары уланып көз жұмды. Екі қайғылы оқиғаға қатысты сот-медициналық сараптама тағайындалды. Жамбыл облыстық ПД баспасөз қызметі осы деректерге қатысты «Адам өлімі» бойынша қылмыстық іс қозғалғанын хабарлады.