Қаз
Рус
Жасөспірім қызды бірнеше жігіт зорлаған
1 178
Талғар ауданының Тұздыбастау ауылында жасөспірім қызды төрт жігіт зорлаған, - деп хабарлайды "Opennews.kz" ақпарат агенттігі.
Жасөспірім қыз күдіктілердің бірімен таныс болған. 18-23 жас аралығындағы төрт жігіт қызды жұрт көзінен таса жерге апарып, зорлап, егер біреуге айтсаң өлтіреміз деп қорқытқан.
Полиция кәмелетке толмаған қызды зорлау фактісі бойынша қылмыстық іс қозғалғанын растады.
«Жедел-іздестіру шаралары барысында төрт күдікті анықталып, уақытша ұстау изоляторына қамалды. Қазір тергеу жүріп жатыр», - деді Алматы облысының Полиция департаменті.
Тергеу барысын өңір полициясының басшылығы бақылайды.
