Қызылорда облысында көлікті мас айдаған 600 адам ұсталған

14 қараша 2024, 16:30

1 519

Қызылорда облысында жыл басынан бері мас күйінде автокөлік жүргізген 600-ден аса жүргізуші ұсталды, - деп хабарлайды "Opennews.kz" ақпарат агенттігі.

Елімізде алкогольді ішімдік ішіп, көлік тізгініне отыратындарға жаза күшейсе де өрескел заң бұзушылыққа баратындар азаяр емес.

Жол-патрульдік полициясы заңға бағынбай, ащы судың буымен қоғамға қауіп туғызған жүргізушілерді ұстау барысында түсірілген бейнежазбаларды жариялады. Алғаш рет ішімдік ішіп ұсталған темір тұлпар иелері заңға сәйкес 7 жылға көлік басқару құқығынан айрылып, 15 тәулікке қамауға алынды. Ал осы әрекетін екінші мәрте қайталағандарға қылмыстық іс қозғалған.

Сәбит Сатқанбай, Қызылорда облыстық полиция Департаменті ӘІІБ бөлім бастығы:
Көлік құралын алкогольді масаң күйде тізгіндеген 600-ден астам жүргізуші ұсталды. Сонымен қатар ҚР Қылмыстық Кодексінің 346-бабына сәйкес алкагольдік масаң күйде көлік құралын қайталап басқарған 33 тұлға анықталған.