7 сынып оқушысы туған әкесін пышақтап өлтірген

Кеше, 14:06

1 414

2024 жылғы 27 желтоқсанда Ақмола облысының Макинск қаласында түнде 12 жастағы ұл бала әкесімен жанжалдасып, оны пышақтап өлтірді, - деп хабарлайды "Opennews.kz" ақпарат агенттігі жергілікті БАҚ «Nayza Kokshe»-ге сілтеме жасап.

Ақмола облыстық полиция департаментінің мәліметінше, түнде кезекші бөлімге жедел жәрдем фельдшері хабарлап, «пышақ сұққаннан мерт болған адамның денесі табылғаны» туралы ақпарат берген. Оқиға орнына жеткен полиция қызметкерлері әке мен бала арасында жанжал болғанын анықтады.

«Әкесі 1977 жылғы, мас күйі өз ұлын бірнеше рет басынан ұрған, сонда бала әкесіне екі пышақ сұқты. Соның біреуі кеуде қуысына тиген», — деп мәлімдеді полиция басқармасы.

Жарақаттардан ер адам оқиға орнында қайтыс болды.Мәліметке сүйенсек, «марқұм жол жөндеу мекемесінде жүргізуші болып жұмыс істеген және сол күні жаңа жылдық корпоративтен үйіне оралған».

Қылмысқа күдікті – жергілікті Б. Шолақ атындағы мектеп-лицейдің 7 сынып оқушысы. Құқық қорғау органдарының мәліметіне қарасақ, отбасы ажырасқан, соның өзінде бірге тұрған. Ал оқушы еш жерде есепте тұрған жоқ, бірақ қалада түнде жүріп, тәртіп бұзғаны үшін жауапқа тартылған кезі болған.

Оқиға бойынша қылмыстық іс қозғалып, тергеу жұмыстары жүріп жатыр.

«Алдын ала мәліметтер бойынша, Макинск қаласының тұрғыны мен оның 2012 жылы туған кәмелетке толмаған ұлы арасындағы жанжалдан соң, ұлы әкесіне пышақ сұғып, содан ер адам оқиға орнында қайтыс болды», – деді полиция басқармасы.

Қазіргі уақытта тергеу ісі жүріп жатыр.