58 және 51 жастағы екі тұрғыннан ірі партияда есірткі тәркіленді

Шымкентте полиция есірткі жеткізу арнасының жолын кесті, - деп хабарлайды "Opennews.kz" ақпарат агенттігі.

Тараз қаласының 58 жастағы тұрғыны мен Жамбыл облысының 51 жастағы тұрғыны ұсталып, олардан 30 келіге жуық кептірілген марихуана тәркіленді.

Бұл есірткі заттарын олар 1,5 миллион теңгеге сатпақ болған. Қазіргі таңда оқиға бойынша тергеу жүргізіліп жатыр. Күдіктілер қамауда.

Полиция есірткімен байланысты кез келген заңсыз әрекет қылмыстық жауапкершілікке әкеп соғатынын ескертті.