Қаз
Рус
Қазақстанда пилотсыз аэротаксилер қашан шығатыны белгілі болды
1 368
Көлік министрі Марат Қарабаев аэромобильді таксиді қашан және қай жерде іске қосуды жоспарлап отырғандарын айтты, - деп хабарлайды "Opennews.kz" ақпарат агенттігі.
Үкіметте өткен баспасөз мәслихатында Марат Қарабаев ұшқышсыз және электрлі көлікті іске қосу туралы сұрақтарға жауап берді. Қазақстандағы ерекше жоба Оңтүстік Корея тәжірибесі негізінде жүзеге асырылмақ.
"Бірінші кезеңде біз қазақстандық кәсіпкерлермен мәселені пысықтап жатырмыз. Алматыдан Алатау қаласына бағыт бойынша пилоттық ұшыру болады. Дыбыссыз, тікұшақ тәрізді, сутегімен жүретін әуе көліктері қолданылады. Бес жолаушыға дейін сияды. Қазақстандық компаниялардың бірі әуе көлігі саласын дамытуға қатысуға қызығушылық танытып үлгерді. Пилоттық ұшыру 2026 жылға жоспарланған", – деді Қарабаев.
Қарабаевтың айтуынша, ұшқышсыз көліктерді ұшыруға заңнамалық шектеулер жоқ. Ұшқышсыз көліктерді пайдаланудың нормативтік базасы кезең-кезеңімен қалыптасады.
