Жеңістің 80 жылдығын атап өтетін әскери шеруге 2,5 миллиард теңге бөлінбек
1 348
Ұлы Отан соғысының 80 жылдығына орай Астанада әскери шеру өтеді, - деп хабарлайды "Opennews.kz" ақпарат агенттігі.
Шерудің ұйымдастыру жұмыстарына бюджеттен 2,5 миллиард теңге бөлінбек
Қорғаныс министрлігі Тәрбие және идеологиялық жұмыстар департаментінің өкілі, полковник Виталий Адамович мемлекеттік бюджеттен бөлінетін 2,5 миллиард теңгенің неге жұмсалатынын тізбектеп берді.
“Бұл қаражат жанар-жағармай мен қосалқы бөлшектерді сатып алуға, іссапар шығындарына, әскерлер қозғалысына және форма тігуге жұмсалады. Әскери шеру үш кезеңнен тұрады: Бірінші кезең – тарихи және заманауи бөлімнен тұратын жаяу шеруі экипаждарының жүріп өтеді; Екінші кезең – механикалық техника жүріп өтеді; Үшінші кезең – авиация ұшып өтеді”, – деді Виталий Адамович.
Сондай-ақ алғаш рет алаңда Қазақстан аумағында жасақталған әскери бөлімдер – 23 дивизия мен бригадалардың жауынгерлік тулары мен Әскери тарих мұражайында сақталған Т-34 танкіндегі Жеңіс туының көшірмесін алып өтеді.
Шеру кезінде соңғы жылдары сатып алынған қару-жарақ пен әскери техниканың соңғы үлгілері де көрсетіледі. Шеруге барлығы 4,5 мыңға жуық адам қатысады.
