Қаз
Рус
Парамен ұсталған әкімдік қызметкері 6 жылға сотталды
1 296
Алматы Медеу соты қалалық коммуналдық инфрақұрылымды дамыту басқармасы басшысының орынбасары Нұрбол Қажинді 19,5 миллион теңге пара алғаны үшін 6 жылға бас бостандығынан айырды, - деп хабарлайды "Opennews.kz" ақпарат агенттігі.
"Ол жергілікті кәсіпкерден 19,5 миллион теңге көлемінде ақша алып, оны аула аумақтарын санитарлық тазалау бойынша мемлекеттік сатып алу шарттарын жасасуға жәрдемдесу сылтауымен иемденгені үшін кінәлі деп танылды", – делінген сыбайлас жемқорлыққа қарсы қызмет хабарламада.
Сот Қажинді алты жылға бас бостандығынан айыру және өмір бойы мемлекеттік қызметте жұмыс істеу құқығынан айыру туралы шешім шығарды.
"Сотталған азаматтың 21 миллион теңгеден асатын екі автокөлігі тәркіленіп, мемлекеттік кіріс ретінде алынады", – деп мәлімдеді агенттік.
