Әлемдегі ең танымал тематикалық саябақтар аталды

Сарапшылар әлеуметтік желілердегі хэштегтердің санына негізделген әлемдегі ең танымал тематикалық саябақтардың тізімін жасады, - деп хабарлайды Kaz.tengritravel.kz тілшісі Travel Daily News порталына сілтеме жасап.
 
Рейтингте бірінші орынды Париждегі Диснейленд алды. Саябақ Instagram желісінде бес миллионнан көбірек аталған. Екінші орында - оның Калифорниядағы америкалық филиалы. Сарапшылар Instagram-да саябақтың суреті бар бір жарым миллионға жуық жарияланымды есептеді.

Голливудтағы Universal Studios үздік бестікке кірді. Кино әуесқойлары үшін жұмақ мекенде Юр кезеңіндегі динозаврлармен серуендеуге немесе Гарри Поттер әлеміне баруға болады. Сондай-ақ, Германиядағы Еуропа паркі және Абу-Дабидегі Ferrari World тематикалық саябағы бестіктен табылды.

Пайдаланушылар Нидерландиядағы Эфтелинг паркі, Австралиядағы Dreamworld және басқалары туралы жиі жазған.