Оқушы қыздарға шай құюды үйреткен орталық сынға қалды
1 616
Астана қаласындағы «Этикет» мектебінің оқушыларға арналған сабағы қоғамда қызу пікір тудырды,- деп хабарлайды "Opennews.kz" ақпарат агенттігі.
Сабақта қоғамдық орындардағы мінез-құлық ережелері, мәдениет мекемелеріндегі тәртіп пен әдеп нормалары түсіндірілген.Әлеуметтік желі қолданушылары бастаманы қолдағандар мен сынағандарға бөлінді. Кейбірі мұндай тәрбие сабақтарын қажет деп санаса, енді бірі оның мазмұны мен әдістемесін қайта қарау керек дейді.
“Қуыршақ ойнайтын кезінде шай құюды үйреткендері несі?!”, “Өмірді қиындатпайық”, “Ханшайымдай өмір сүруге емес, қызметші болуға үйретіп жатыр”, “Көзі ашық, көкірегі ояу, білімді, өз-өзіне барлық жағынан қорған болатын, аяққа нық тұра алатын ұрпақ тәрбиелейтін заман еді, мына тәтелеріміз қай заманда өмір сүріп жатыр?!”, “Қыздарды шай құю өнеріне қарап бағалайтын емес, жеке тұлға ретінде бағалайтын деңгейдеміз. Қатты керек өнер болып жатса, әркім келін болғанында үйреніп алар, бірақ балалық шақта емес”, – деп жазды көпшілік.
