Жетімдер мен көпбалалы отбасыларға арналған үйлердің сапасы көңіл көншітпейді
1 665
Петропавлда жетім балаларға, жесір әйелдер мен көпбалалы отбасыларға арнап салынған жаңа үйлердің қабырғалары жарылып жатыр,- деп хабарлайды "Opennews.kz" ақпарат агенттігі.
Жаңа үйдің тұрғындарының бірі, Зарина Пивняк, бұл баспанаға қол жеткізу үшін 15 жыл бойы кезекте тұрғанын айтады. Алайда көптен күткен қуаныш ұзаққа созылмаған. Оның сөзінше, көшіп келгеннен кейін көп ұзамай пәтердің қабырғаларында жарықтар пайда болып, сылағы түсіп, терезелердің әйнектері бірінен соң бірі жарылып кеткен.
"Баспаналы болған сәтімде қатты қуанған едім. Бірақ бірнеше аптадан кейін қабырғалар жарыла бастады. Уайымымыз көбейіп кетті. Бұл үйдің қанша уақытқа шыдас берері белгісіз", — дейді Зарина.
"Пәтерлерде жағымсыз иіс пен шыбын-шіркей көп, мұның бәрі жертөледен шығады. Біз бірнеше рет әкімдікке, құрылыс компаниясына, тұрғын үй-коммуналдық қызметке, прокуратураға, санитарлық-эпидемиологиялық орталыққа хабарластық, бірақ еш нәтиже жоқ", – деді үйдің тағы бір тұрғыны Фарида Жүсіпова.
