«WhatsАpp» желісі арқылы терроризмді насихаттаған күдікті сотталды

«WhatsApp» арқылы терроризмді дәріптеген тұлғаға қатысты қылмыстық іс Шымкенттің қылмыстық істер жөніндегі сотында қаралды,- деп хабарлайды "Opennews.kz" ақпарат агенттігі.

Ол 2024 жылдың қыркүйек айында Шымкент қаласында ұялы телефонын пайдалана отырып «WhatsАpp» желісінде халықаралық террористік ұйымының көзқарастарына жататын аудио және текстік хабарламаларды, аудио жазбаларын салып, қасақана терроризмді насихаттаған. 

Сот үкімімен ол ҚК-нің 256-бабының 2-бөлігі қылмыстық құқық бұзушылықты жасағаны бойынша кінәлі деп танылып, оған 7 жыл 6 айға бас бостандығынан айыру жазасы тағайындалды.