Александр Бублик жеңіспен оралады

Қазақстандық теннисші Александр Бублик Германияның Галле қаласында өтіп жатқан ATP турнирінде күтпеген жеңіске қол жеткізді,- деп хабарлайды "Opennews.kz" ақпарат агенттігі.

Ол әлемдік рейтингтің көшбасшысы, италиялық Янник Синнерді 1/8 финалдық кезеңінде үш сет қорытындысы бойынша — 3:6, 6:3, 6:4 есебімен ұтып, ширек финалға жолдама алды.

Бұл — Бубликтің Синнерге қарсы алған екінші жеңісі. Бірінші рет ол өткен жылы дәл осы жарыста қарсыласын жарақатына байланысты матчты тоқтатқан сәтте — 7:5, 2:0 есебімен алда келе жатып жеңген еді.