Қазақстанға заңсыз 5 тонна шошқа еті өткізілмек болған

"Сырым" ветеринариялық бақылау-өткізу бекетінде Қазақстан Республикасы Ұлттық қауіпсіздік комитетінің Шекара қызметі қызметкерлерімен бірлесіп жүргізілген тексеру барысында Ресей Федерациясының Белгород облысынан Алматы қаласына бағыт алған DAF маркалы  жүк көлігі ұсталды,- деп хабарлайды "Opennews.kz" ақпарат агенттігі.

Ауыл шаруашылығы министрлігінің ақпаратына сүйенсек, тексеру нәтижесінде, 5 тонна шошқа еті ветеринариялық ілеспе құжаттарсыз заңсыз тасымалданғаны анықталды.

Ветеринариялық-санитариялық заңнама талаптарының бұзылуына байланысты жүк көлігі кері қайтарылды. Ал жүргізушіге қатысты Қазақстан Республикасының Әкімшілік құқық бұзушылық туралы кодексінің 406-бабы бойынша әкімшілік хаттама толтырылды.