Мектептердегі жөндеу жұмыстары қатаң бақылауда

Бүгін «AMANAT» партиясы Қазалы аудандық филиалы жанындағы Партиялық бақылау комиссиясы Әйтеке би кентінде күрделі жөндеуден өтіп жатқан Ж.Жабаев атындағы №234 орта мектебінің жай-күйімен танысты, - деп хабарлайды "Opennews.kz" ақпарат агенттігі.

Бақылау жұмыстарына Партиялық бақылау комиссиясының төрағасы, аудандық мәслихат депутаты Әділбек Сарабеков, аудандық партия филиалының Атқарушы хатшысы, комиссия мүшесі Нұрғиса Жалғасбаев және комиссия мүшесі, аудандық мәслихат депутаты Талғат Әліпбаев қатысты.

Жөндеу жұмыстары биыл сәуір айында басталған. Мердігер «Конструктив LTD» ЖШС тарапынан шатыр ауыстырылып, қасбет жаңартылған, электр желілері мен жарықтандыру жүйесі жаңаланған. Ішкі әрлеу және бірқатар бөлмелерде кафель төсеу жұмыстары орындалған.