Қазақстандықтар 9 айда 215 млрд теңге айыппұл төлеген

Бас прокуратураның мәліметінше, 2025 жылдың қаңтар-қыркүйек айлары аралығында елімізде 13,1 миллионнан астам әкімшілік құқық бұзушылық тіркелген. Бұл көрсеткіш өткен жылдың сәйкес кезеңімен салыстырғанда 17,6 пайызға жоғары, - деп хабарлайды "Opennews.kz" ақпарат агенттігі.

Аталған істердің басым бөлігі – 12,7 миллионына жуық жағдайда айыппұл салумен аяқталған. Жалпы айыппұлдардың сомасы 215,4 миллиард теңгеге жетіп, былтырғы жылмен салыстырғанда 5,5 пайызға артқан. Оның ішінде 158,6 миллиард теңге өндірілген, яғни өндіріп алу деңгейі 73,6 пайызды құрап отыр.

Бас прокуратураның дерегіне сәйкес, барлық әкімшілік істердің шамамен 20,6 пайызы немесе 282,8 мың іс қысқартылған.

Өңірлер бойынша айыппұлды төлеу көрсеткіші әркелкі. Қызылорда облысында бұл көрсеткіш небәрі 37,3 пайызды құрап, ең төмен деңгейде тіркелді. Ал айыппұлды уақытылы төлейтіндер қатарында Шығыс Қазақстан облысы (87,4%) мен Павлодар облысы (85,8%) тұрғындары көш бастап тұр.

Жалпы алғанда, 2025 жылы ел бойынша әкімшілік айыппұл салу мен өндіру көлемі айтарлықтай өсіп отыр.