Сот масаң күйде көлік басқарған

Астана қаласында азаматтық істер жөніндегі ауданаралық соттың судьясы Әсел Досаева мас күйінде көлік жүргізгені үшін ұсталды,-деп хабарлайды Opennews.kz  ақпарат агенттігі.

Рейдтік іс-шара кезінде патрульдік полиция қызметкерлері Mazda маркалы автокөлікті тоқтатқан. Медициналық сараптама жүргізушінің мас күйде болғанын растаған. Көлік коммуналдық тұраққа қойылып, полицейлер тексеріс жүргізуде.

Полиция департаменті көлікті мас күйде басқару – заңды өрескел бұзу және өзге азаматтардың өмірі мен қауіпсіздігіне қатер төндіретін әрекет екенін ескертті. Мұндай жағдайлар заң аясында қатаң жазаланады.