Заңсыз вейп сатқандардан Land Cruiser, Highlander және Camaro көліктері тәркіленді

Павлодар облысында заңсыз вейп сатумен айналысқан ұйымдасқан қылмыстық топқа қатысты тергеу аяқталды, - деп хабарлайды "Opennews.kz" ақпарат агенттігі.

Павлодарда темекі өнімдерін, вейптерді, хош иістендіргіштерді және оларға арналған сұйықтықтарды заңсыз сатумен айналысқан ұйымдасқан қылмыстық топқа қатысты тергеу аяқталды.

Қаржы мониторингі агенттігінің мәліметінше, өнімдер Telegram-дағы үш онлайн дүкенде курьерлік жеткізу арқылы сатылған.

Агенттік мәліметінше, вейптердің негізгі тұтынушылары мектеп оқушылары мен студенттер болған. Қылмыстық жолмен алынған қаражатқа сатып алынған үш көлік (Toyota Land Cruiser, Toyota Highlander және Chevrolet Camaro) сот шешімімен тәркіленді.

Төрт күдікті қамауға алынды.