Түнгі үрей: 9-қабаттағы пәтердің терезесі алдында дрон пайда болды
1 535
Қыз бала түнде басынан өткен үрейлі жағдайымен бөлісті. Оның айтуынша, оқиға түнгі сағат 03:13 шамасында болған, - деп хабарлайды "Opennews.kz" ақпарат агенттігі.
«Үйге келіп, беті-қолымды жуып, диванға отырдым. Сол сәтте терезе жақтан бірдеңе көзіме түсті. Қарасам, терезе алдында дрон қалықтап тұр. Мен 9-қабатта тұрамын, ал дрон маған шамамен 5 метр қашықтықта 10–15 минуттай тұрды. Қорыққанымнан дірілдеп отырдым. Полицияға қоңырау шалған соң ғана дрон ұшып кетті. Оның кімге тиесілі екені және қанша уақыт бақылап тұрғаны белгісіз», – дейді ол.
Желі қолданушыларының кейбірі неге терезеде перде болмағанына таң қалған. Бұған қатысты бойжеткен:
«Жақында ғана көшіп келдім, ең жақын көршінің терезесі алыс орналасқан. Біреулер осылай ашықтан-ашық терезеден қарайды деп мүлде ойламадым», – деп түсіндірді.
Оқиғаға байланысты құқық қорғау органдарының ресми пікірі әзірге жарияланған жоқ.
