21 жастағы қызды көшеде пышақтап кетті
1 522
11 қаңтар күні Шымкентте 21 жастағы қыз пышақ жарақатынан көз жұмды. Қылмыстың болғанын қала полициясы растады, - деп хабарлайды "Opennews.kz" ақпарат агенттігі.
Қыздың мәйіті Толеметов көшесіндегі көпқабатты тұрғын үйдің маңынан табылған. Полиция өкілдері қыздың өліміне қатысы бар деген күдіктінің жеке басын анықтады. Ведомство қылмыстық іс қозғады.
“Күдіктінің жеке басы анықталды. Алдын ала мәліметтерге сәйкес, ол марқұммен бұрын таныс болған. Қазір оны ұстап, қылмыстық жауапкершілікке тарту үшін барлық қажетті жедел-іздестіру іс-шаралары жүргізіліп жатыр”, – делінген полиция хабарламасында.
Полиция азаматтарды расталмаған ақпаратты таратпауға және тек ресми дереккөздерге сенуге шақырды.
