Жоғалған ер адам іздестіріліп жатыр

Маңғыстау облысында Баутино ауылының тұрғыны Владимир Шевченконы іздеу жұмыстары жүргізіліп жатыр,- деп хабарлайды  Оpennews.kz  ақпарат агенттігі Lada.kz-ке сілтеме жасап.

Жақындарының айтуынша, Владимир Шевченко 13- ші қаңтар күні таңғы сағат 07:00 шамасында Ақтауға жолға шыққан. Сол күні кешкі сағат 19:00-де жұбайымен соңғы рет байланысқа шығып, басшылығына да үйіне қайтып келе жатқанын хабарлаған. Алайда содан кейін онымен байланыс үзілген.

Белгілеріне келсек, Владимир Шевченко жоғалған күні қара түсті күрте, қалпақ, сұр шалбар киген. Аяғында берцы болған, өзімен бірге қара рюкзак алып жүрген.

Ер адамды көрген немесе оның жүрген жері туралы қандай да бір ақпарат білетін азаматтардан құқық қорғау органдарына хабарласу сұралады.