Қаз
Рус
TikTok арқылы терроризмді насихаттаған ер адам сотталды
1 512
Абай облысының тұрғыны әлеуметтік желілерде терроризмді насихаттағаны үшін сотталған,- деп хабарлайды Оpennews.kz ақпарат агенттігі.
"Айыпталушы "TikTok" әлеуметтік желісіндегі анонимді аккаунттар арқылы, сондай-ақ азаматтармен жеке әңгімелер барысында террористік сипаттағы материалдарды таратқан. Аталған материалдар зорлық-зомбылық идеологиясын қамтып, террористік қызметті ақтаған", - деп жазылған бас прокуратура хабарламасында.
Сот үкімімен ол Қылмыстық кодекстің 256-бабының 2-бөлігімен (терроризмдi насихаттау немесе терроризм актiсiн жасауға жария түрде шақыру) кінәлі деп танылып, 7 жыл мерзімге бас бостандығынан айырылды.
Сот үкімі заңды күшіне енді.
Бас прокуратура Қазақстанда "Ислам мемлекеті" халықаралық террористік ұйымының қызметі террористік деп танылып, тыйым салынғанын ескертті.
