Автосалон клиенттерінен ақша алып, көліктерді бермей қойған
1 515
Астанада 25 жастағы көлік сататын салонның иесі мен оның қызметкері ірі алаяқтық жасаған деген күдікке ілінген,- деп хабарлайды Оpennews.kz ақпарат агенттігі.
Белгілі болғандай, бұрын бұл кәсіп заңды түрде жұмыс істеген. Қолданыстағы автокөліктерді комиссиялық негізде сатқан, яғни басқа адамның мүлкін сату арқылы табыс тапқан. Алайда кейіннен күдіктілер көлік сатудан түскен ақшаны жымқырып отырған.
“Алаяқтардың құрбанына айналғандар арасында сатып алушылар да бар. Клинеттер ақшаcын төлеген, бірақ көліктерін ала алмай қалған. Күдіктілер автокөліктерді пайдаланып, оларды жалға берген”, – деп хабарлады полиция.
Күдіктілер бірден қамауға алынған. Полиция тергеу жүргізіп, олардың бұған дейін осы секілді қылмыстарға қатысы бар-жоғын анықтап жатыр. Шығын көлемі әлі белгісіз.
Тағы да оқыңыздар
Еңбек Ері туралы толғам
2 229
