Торттан адамның тісі шықты
1 512
Солтүстік Қазақстан облысының тұрғыны дүкеннен сатып алған торттан адамның азу тісін тауып алды,- деп хабарлайды Opennews.kz ақпараттық агенттігі.
Қызылжар ауданындағы Соколовка ауылының тұрғыны Владимир Медведев елдімекендегі азық-түлік дүкенінен кондитерлік өнімді сатып алған. Тортты кесіп жатқанда ортасынан адамның азу тісін алып шыққан. Тіпті бұл жайтты видеоға түсіріп, желіге жариялаған.
Компания өкілдері мәселені жылы жабуды өтініп, тұрғынға моральдық өтемақы ұсынған көрінеді. Ал кәсіпкер тұтынушы менен ақша бопсалады деп полицияға арыз жазған. Тәртіп сақшылары тергеу жүргізіліп жатқанын растаған.
“Қазір оқиғаның мән-жайын жан-жақты әрі объективті анықтау үшін қажетті тергеу әрекеттері жүргізіліп жатыр. Тексеру нәтижелері бойынша түпкілікті процессуалдық шешім қабылданады”, – деді Петропавл қаласы полиция басқармасы бөлімі бастығының орынбасар Махаббат Әбжанова.
