600-ден астам мал құжатсыз тасымалданғаны анықталған

Түркістан облысы патрульдік полиция батальонының қызметкерлері республикалық маңызы бар автожолдарда мал ұрлығының алдын алу және болдырмау мақсатында ауқымды рейдтік іс-шара өткізген,- деп хабарлайды Оpennews.kz ақпарат агенттігі.

Тексеру жұмыстары тәулік бойы ұйымдастырылып, облыс аумағындағы негізгі бағыттар толық қамтылған.

Құжатсыз мал тасымалдаумен айналысқан жүргізушілерге заң аясында шара көру үшін қалалық және аудандық полиция басқармаларына жеткізілген. Іс материалдары учаскелік полиция инспекторларына тапсырылып, әрбір дерек бойынша тексеру жұмыстары басталған.