Жезқазған–Қарағанды тасжолында 300 келіден астам марихуана тәркіленді

Ұлытау облысында құны 3 млн АҚШ доллары тұратын есірткі тәркіленді,- деп хабарлайды Opennews.kz ақпарат агенттігі Sputnik.kz сайтына сілтеме жасап.

Жезқазған - Қарағанды автожолында 300 - келіден астам есірткі тасымалдауға қатысы бар бес адам ұстаған. Ұлытау облысында Есірткі қылмысына қарсы іс-қимыл бөлімінің қызметкерлері ірі есірткі жеткізу арнасын анықтап, оның жолын кесті. Арнайы операция барысында күдіктілердің көлігін тексеру кезінде 300 - келіден астам марихуана тәркіленген. Алдын ала мәліметтерге сәйкес, тәркіленген есірткінің жалпы көлемі шамамен бір миллионға жуық бір реттік дозаға тең. Сарапшылардың бағалауынша, оның қара нарықтағы құны 3- миллион АҚШ долларына дейін жетуі мүмкін.

Қазіргі уақытта аталған дерек бойынша қылмыстық іс қозғалып, күдіктілер уақытша ұстау изоляторына қамалған. Құқық қорғау органдары есірткі жеткізу арнасының өзге де қатысушыларын анықтау бағытында жұмыс жүргізуде.