Бір топ жігіт полиция қызметкерлерін соққыға жықты
1 509
Мақат ауданында бір топ жігіт полиция қзыметкерлеріне шабуыл жасап, салдарынан тәртіп сақшылары зардап шеккен,- деп хабарлайды Оpennews.kz ақпарат агенттігі Stan.kz порталына сілтеме жасап.
Тәртіп сақшылары қызмет барысында болған.
Облыстық полиция департаменті 3-ші сәуір күні сағат 22:00 шамасында Мақат ауданында полиция қызметкерлері қоғамдық тәртіп бұзушылықтың алдын алғанын хабарлаған.
“Тексеру барысында бір топ азамат агрессия танытып, полиция қызметкерлеріне күш қолданған. Соның салдарынан екі қызметкер зардап шекті”, – деп мәлімдеді ведомство.
Оқиғаға қатысқандардың барлығы анықталып, оларға қатысты процессуалдық шаралар қабылданған. Сондай-ақ билік өкілдеріне күш қолдану фактісі бойынша “Билік өкіліне қатысты қорқыту немесе күш қолдану” бабы бойынша қылмыстық іс тіркелген.
Қазір сотқа дейінгі тергеу жүргізіліп жатыр.
