Мектептердің бірінде жалған құжатпен жұмыс істегендер жазаланды
1 341
Маңғыстау облысында мектеп асханасының жұмысшылары жалған құжатпен жұмыс істегені үшін сотталды, - деп хабарлайды "Opennews.kz" ақпарат агенттігі.
Мұнайлы ауданы сотының үкімдерімен мектеп асханасының 4 жұмысшысы өткен жылдың желтоқсан айында айыппұл түріндегі жазаға сотталды.
«Көрсетілген тұлғалар жалған санитарлық құжаттарды пайдалану арқылы Мұнайлы ауданының №8 орта мектептің тамақтандыру блогында жұмыс істеген. Бұл жағдай аталған мектептің оқушыларының жаппай улануынан кейін тексеру кезінде анықталды. Қазіргі таңда соттың үкімдері заңды күшіне енді», - делінген облыстық прокуратура хабарламасында.
