Ер адам көршілердің көз алдында 5-ші қабаттан секіріп кетті
Тараздағы Ұлы Дала шағынауданында 51 жастағы ер адамның суицид жасамақ болғаны туралы жедел жәрдемге хабар түскен, - деп хабарлайды Opennews.kz ақпарат агенттігі Sn.kz сайтына сілтеме жасап.
Тараздағы Ұлы Дала шағынауданында қайғылы жағдай орын алды. Halyqstan Telegram арнасының хабарлауынша, жедел жәрдемге хабарласқандар ер адамның психоневрологиялық есепте тұрғанын айтқан. Оқиға орнына дереу психиатриялық бригада жіберілді. Дәрігерлер келгенде ер адам бесінші қабаттағы пәтерде қамалып отырған. Полиция мен құтқарушылар, қосымша мамандандырылған жедел жәрдем бригадасы шақырылды.
Ер адам агрессивті мінез көрсетіп, есікті ашпады. Құтқарушылар автосаты арқылы балкон арқылы кірмек болып, қауіпсіздік мақсатында төменде төсеніш жайды. Мамандар балконға көтерілген сәтте ер адам кенеттен төмен секірген. Құтқарушылар оны ұстап үлгергенімен, ер адам бар салмағымен құлап, бас-мидың ашық жарақаты, ми жарақаты және мойын омыртқаларының сынуына ұшырады. Ауыр жарақат салдарынан ол оқиға орнында қаза тапты.
