Әскери бөлімде төтенше жағдай орын алды

Павлодардағы әскери бөлімшеде бір сарбаз қаза тапты,- деп хабарлайды Opennews.kz ақпарат агенттігі Stan.kz сайтына сілтеме жасап.

Әскери бөлімшеде атыс оқиғасы орын алған. Ішкі істер министрлігінің мәліметінше, келісімшарт негізінде қызмет атқарып жүрген әскери қызметшілердің бірі қару қолданып, салдарынан өзі қаза тапқан. Оқиға барысында тағы бір сарбаз жарақат алған. Павлодар облыстық денсаулық сақтау басқармасының хабарлауынша, жарақат алған азаматтың жасы - 25-те. Қазіргі уақытта ол жансақтау бөлімінде жатыр, жағдайы ауыр екенін хабарлаған. Дәрігерлер науқастың өмірін сақтап қалу үшін барлық қажетті медициналық көмекті көрсетіп жатыр. Аталған дерек бойынша сотқа дейінгі тергеу амалдары басталды. Қазіргі таңда оқиғаның барлық мән-жайы мен себептері анықталуда. Тергеу барысы Ішкі істер министрлігінің бақылауына алынған.