Қаз
Рус
Мұнай кен орнында 2 жұмысшы төбелесіп біреуі пышақ жарақатын алды
Ақтөбе облысы Темір ауданы Кеңқияқ ауылында болған, екі жұмысшы жанжалдасып, бірі екіншісіне пышақ сұғып алған,- деп хабарлайды Opennews.kz ақпарат агенттігі Kazinform.kz сайтына сілтеме жасап.
Кеңқияқ ауылдық полиция бөлімшесі денсаулыққа қасақана зиян келтіру фактісі бойынша сотқа дейінгі тергеп-тексеру жүргізіп жатыр. Алдын ала тергеу барысында анықталғандай, кәсіпорынның екі қызметкері мас күйінде жанжалдасып, салдарынан бірі екіншісіне пышақ жарақатын салған. Жәбірленуші ауруханаға жеткізіліп, медициналық мекемеде ем қабылдап жатыр, — деп хабарлады Ақтөбе облыстық ПД баспасөз қызметі.
Қазіргі кезде күдікті уақытша ұстау изоляторына қамалды. Ал жәбірленуші ауруханада жатыр.
28-щі сәуір күні сағат 5:00–де Кеңқияқ ауылдық ауруханасына 43 жастағы ер адам жеткізілді. Науқасқа барлық медициналық көмек көрсетілді. Қазіргі кезде оның жағдайы тұрақты ауыр, — деп хабарлады Ақтөбе облыстық денсаулық сақтау басқармасының баспасөз қызметі.
