25 мамыр : қуаныш қайғыға ұласты

Алдын ала мәлімет бойынша, ер адам әріптестерімен бірге оқу жылының аяқталуын атап өту үшін өзен жағасына барған,- деп хабарлайды Opennews.kz ақпараттық агенттігі tv7_kz сайтына сілтеме жасап.

Ақтөбе облысының Жосалы ауылында 59 жастағы ер адам суға батып көз жұмды. Марқұм жергілікті мектепте слесарь болып жұмыс істеген. Қайғылы оқиға кеше түскі үзіліс кезінде болған. Суға түсу кезінде ол бата бастайды. Жанында болған адамдар оны судан шығарып алып, алғашқы медициналық көмек көрсеткен және жедел жәрдем шақырған. Алайда дәрігерлердің көмегіне қарамастан, ер адам ауруханада қайтыс болды. Оқиғаға байланысты тиісті қызметтер тексеру жұмыстарын жүргізіп жатыр. Мамандар тұрғындарды қауіпсіздік ережелерін сақтауға және рұқсат етілмеген жерлерде суға түспеуге шақырды.

Өңірде бұл – жыл басынан бері тіркелген судағы алғашқы қайғылы жағдай. Облыста шомылу маусымы әлі ресми түрде ашылған жоқ. Дәстүр бойынша шомылу маусымы жыл сайын 1-ші маусымнан басталады. Осыған байланысты құтқарушылар су айдындарында қауіпсіздік талаптарын қатаң сақтауды ескертуде.