Алаяқтық және есірткі бизнесін ұйымдастырған күдіктілерді ІІМ шетелде ұстады
Ішкі істер министрлігі шетелдік құқық қорғау органдарымен бірлесіп, қылмыстық жауапкершіліктен жалтарып жүрген адамдардың жүрген жерін анықтау және оларды ұстау бойынша жүйелі жұмысты жалғастырып келеді, - деп хабарлайды Opennews.kz ақпараттық агенттігі Zakon.kz сайтына сілтеме жасап.
Таратылған ақпаратқа сүйенсек, жыл басынан бері:
Сондай-ақ, Астанада криминалдық полиция қызметкерлері аса ірі көлемдегі алаяқтық ісі бойынша мемлекетаралық іздеуде жүрген күдіктіні ұстады.
Тергеу деректеріне сәйкес, ол Алматы қаласында тұрғын үй кешенін салу сылтауымен үлескерлердің қаражатын заңсыз иемденген. Келтірілген залал көлемі шамамен 1,5 миллиард теңгені құрайды.
Сонымен қатар Алматыда Қазақстан Республикасы ІІМ Интерпол ұлттық орталық бюросының сұрауы бойынша Хорватияның құқық қорғау органдары халықаралық іздеуде жүрген шетел азаматтарын ұстады.
Ол ақша жымқыру және заңдастырумен айналысқан қылмыстық топты ұйымдастырды деген күдікке ілінген. Алдын ала мәлімет бойынша, келтірілген шығын көлемі шамамен 30 миллион еуроны құрайды.
Тбилисиде Қазақстан ІІМ-нің сұрауы бойынша халықаралық іздеуде жүрген Қазақстан азаматы ұсталды. Қазіргі таңда оны елге экстрадициялау мәселесі қарастырылып жатыр.
Тергеу деректеріне сәйкес, ол автокөлік сату кезінде бірнеше алаяқтық әрекет жасап, жәбірленушілерге 118 миллион теңгеден астам шығын келтірген деген күдікке ілінген.
Сонымен қатар Молдова аумағында Қазақстанның құқық қорғау органдарының бастамасымен халықаралық іздеуде жүрген шетел азаматы ұсталды.
Тергеу мәліметінше, ол Қарағанды облысында жойылған есірткі зертханасының қызметін криптовалюта аударымдары мен мессенджерлер арқылы үйлестіріп, қаржыландырып отырған. Бұған дейін бұл зертханада есірткі заттары, жабдықтар және прекурсорлар тәркіленген.
