Еңбек кітапшасы онлайн форматқа ауысады
Еңбек және халықты әлеуметтік қорғау министрінің бірінші вице-министрі Ербол Тұяқбаев қағаз еңбек кітапшаларының қолданыстан шығатынын мәлімдеді,- деп хабарлайды Opennews.kz ақпараттық агенттігі inbusiness.kz сайтына сілтеме жасап.
Вице-министрдің сөзінше, қағаз кітапшаны қолдануды тоқтататын уақыт жетті.
Қазір барлық дерек цифрландырылған. Ал жұмыс берушілер туралы мәліметтер жүйеде сақталған. Келесі жылдан бастап электронды еңбек шарттарына кезең-кезеңімен көшу басталады.
"Адам өзімен бірге еңбек кітапшасын алып жүруі немесе оның қайда жоғалғанын ойлап уайымдамауы керек. Ол жүйеде сақталуы тиіс. Жүргізуші куәлігі сияқты және басқа да құжаттар секілді",- деді Тұяқбаев.
2027 жылға қарай Қазақстан қағаз еңбек кітапшаларынан толық бас тартады деп жоспарланып отыр.
Тағы да оқыңыздар
