Қазақстан азаматы 16 жылға бас бостандығынан айырылды

Алматыда Таиландтан аса ірі көлемдегі есірткіні елге заңсыз әкелмек болған 22 жастағы Қазақстан азаматы 16 жылға бас бостандығынан айырылды,- деп хабарлайды Opennews.kz ақпараттық агенттігі.

Бас көлік прокуратурасының 2026 жылғы 22-ші шілдедегі мәліметінше, Алматы қаласының Қылмыстық істер жөніндегі мамандандырылған ауданаралық соты қызды аса ірі мөлшердегі есірткі құралдарын контрабандалық жолмен өткізу және заңсыз айналымға енгізу бойынша кінәлі деп таныған. Іс материалдарына сәйкес, ол ақшалай сыйақы үшін Таиландтан Қазақстанға құрамында каннабис сығындысы бар 2 чемоданды жеткізуге келіскен. Тыйым салынған заттың жалпы салмағы 8,8 келіні құраған. Заңсыз жүк қыз Алматы халықаралық әуежайына келген бойда анықталып, тәркіленген. Сот оны 16 жылға бас бостандығынан айыру туралы үкім шығарған. Үкім заңды күшіне енген.

Прокуратура желілерде таралатын "жеңіл табыс" немесе тегін шетелге саяхаттау туралы ұсыныстардың халықаралық есірткі тасымалының бір бөлігі болуы мүмкін екенін ескертеді. Мұндай қылмыстық схемаларға қандай рөлде қатысқанына қарамастан, барлық қатысушылар қатаң қылмыстық жауапкершілікке тартылады.