Теміржол өткеліндегі жол апаты: жүргізуші ауруханаға жеткізілді

КАМАЗ жүк көлігінің жүргізушісі маневр жасау кезінде теміржол өткеліне шығып кетіп, тоғыз вагоннан құралған пойызбен соқтығысқан,- деп хабарлайды Opennews.kz ақпараттық агенттігі.

Жол-көлік оқиғасы салдарынан жүк көлігінің жүргізушісі түрлі дене жарақатын алып, медициналық мекемеге жеткізілген. Дәрігерлер оған қажетті медициналық көмек көрсетіп жатыр. Ал КАМАЗ автокөлігіне едәуір механикалық зақым келген. Қазіргі уақытта аталған дерек бойынша Түрксіб аудандық Полиция басқармасы сотқа дейінгі тексеру жұмыстарын жүргізіп жатқанын хабарлаған. Оқиғаның нақты себептері мен мән-жайы анықтауда.
Полиция жүргізушілерге теміржол өткелдерінен өту кезінде жол қозғалысы ережелерін қатаң сақтап, қауіпсіздік талаптарын елемеудің ауыр зардаптарға әкелуі мүмкін екенін ескертеді.